News Corner News

കേരള വ്യാപാരി വ്യവസായി ഏകോപന സമിതി സംസ്ഥാന വ്യാപാര ഭവൻ ഉദ്ഘാടനവും ബിസിനസ് എഡ്യൂക്കേഷൻ സെന്റർ ഉദ്ഘാടനവും ബഹു. സംസ്ഥാന മുഖ്യമന്ത്രി ശ്രീ. പിണറായി വിജയൻ നിർവ്വഹിക്കുന്നു. തിരുവനന്തപുരം,തമ്പാനൂർ മാഞ്ഞാലിക്കുളം റോഡിൽ വ്യാപാര ഭവൻ അങ്കണത്തിൽ നടക്കുന്ന ഉദ്ഘാടന സമ്മേളനത്തിന് സംസ്ഥാന പ്രസിഡന്റ്‌ ശ്രീ. രാജു അപ്സര അധ്യക്ഷം വഹിക്കുന്നു. ടി. നസ്സിറുദ്ദീൻ സ്മാരക കോൺഫറൻസ് ഹാളിന്റെ ഉദ്ഘാടനവും സംസ്ഥാന തലത്തിൽ ഏകോപന സമിതി ആരംഭിക്കുന്ന വ്യാപാരി നിയമ സഹായ വേദി (Forum For Legal Aid to Traders- FLAT ) യുടെ ഉദ്ഘാടനവും ബഹു. ധനകാര്യ മന്ത്രി ശ്രീ. കെ. എൻ. ബാലഗോപാൽ നിർവ്വഹിക്കുന്നതാണ്. സി. എം. ജോർജ് സ്മാരക സെക്രട്ടറിയേറ്റ് ഹാൾ ഉദ്ഘാടനം സംസ്ഥാന വർക്കിംഗ്‌ പ്രസിഡന്റ്‌ ശ്രീ. പി. കുഞ്ഞാവു ഹാജി നിർവ്വഹിക്കുന്നു. മുഖ്യ പ്രഭാഷണം സംസ്ഥാന വൈസ് പ്രസിഡന്റ്‌ ശ്രീ പെരിങ്ങമല രാമചന്ദ്രൻ നിർവ്വഹിക്കും. സംസ്ഥാന ജന. സെക്രട്ടറി ശ്രീ ദേവസ്യ മേച്ചേരി സ്വാഗതവും, സംസ്ഥാന ട്രഷറർ ശ്രീ.എസ്. ദേവരാജൻ യോഗത്തിന് കൃതജ്ഞതയും അർപ്പിക്കും. ഏകോപന സമിതി അംഗങ്ങളുടെ സൗകര്യത്തിനായി ഇൻഫർമേഷൻ സെന്റർ, ഫെസിലിറ്റേഷൻ സെന്റർ,കോൺഫറൻസ് ഹാളുകൾ സെക്രട്ടറിയേറ്റ് ഹാൾ,താമസത്തിന് അനുയോജ്യമായ മുറികൾ എന്നിവ സംസ്ഥാന വ്യാപാര ഭവന്റെ ഭാഗമായി ക്രമീകരിച്ചിരിക്കുന്നു. പുതുതായി വ്യാപാര രംഗത്തേക്ക് കടന്നു വരുന്നവർക്കും നിലവിലുള്ള സംരംഭകർക്കും വ്യാപാര വ്യവസായ മേഖലകളെക്കുറിച്ച് പഠിക്കുന്നതിനും സംരംഭകർ നേരിടേണ്ടി വരുന്ന വെല്ലുവിളികൾ, അവർ അവശ്യം അറിഞ്ഞിരിക്കേണ്ട തൊഴിൽ സംബന്ധമായ നിയമങ്ങൾ, ആരോഗ്യകരമായ ഉപഭോക്തൃ ബന്ധം എന്നിവ ഉൾപ്പെടുത്തിയുള്ള പരിശീലന പരിപാടികൾ, തുടങ്ങിയവയാണ് ബിസിനസ് എഡ്യൂക്കേഷൻ സെന്ററിന്റെയും നിയമ സഹായ വേദിയുടെയും പ്രവർത്തനത്തിന്റെ ഭാഗമായി ഉണ്ടാവുക. ഒരു വ്യാപാരി സംഘടനയിലെ അംഗങ്ങൾക്ക് മാത്രമായുള്ള ഇത്തരം പരിശീലന കോഴ്സ് ഇന്ത്യയിൽ തന്നെ ആദ്യത്തേത് ആണ്. സംരംഭകർക്കായി വിവിധ സർക്കാർ വകുപ്പുകൾ മുന്നോട്ട് വയ്ക്കുന്ന ആനുകൂല്യങ്ങൾ, സബ്‌സിഡി വിവരങ്ങൾ, GST ഉൾപ്പെടെയുള്ള വിഷയങ്ങളിൽ സംരംഭകർക്കും ജീവനക്കാർക്കും ആവശ്യമുള്ള പരിശീലന കോഴ്സ്, വ്യാപാര മേഖലയിലെയും മറ്റ് മാനേജ്മെന്റ് വിദഗ്ദരെയും ഉൾപ്പെടുത്തിയുള്ള സംവാദങ്ങൾ എന്നിവയും ബിസിനസ് എഡ്യൂക്കേഷൻ സെന്ററിന്റെ ഭാഗമായി ഉണ്ടാകും.

കോട്ടയത്ത്‌ബിനു എന്ന വ്യാപാരിയെ ആത്മഹത്യയിലേക്ക് തള്ളിവിട്ട കർണ്ണാടക ബാങ്കിന്റെ മാനേജ്മെന്റിന് ശക്തമായ താക്കീത് നൽകുന്നതിനും ബിനുവിന്റെ കുടുംബത്തിന് നഷ്ട പരിഹാരം ഉറപ്പാക്കണമെന്നും മനുഷ്യത്വരഹിതമായി പ്രവർത്തിക്കുന്ന ധനകാര്യ സ്ഥാപനങ്ങളെ നിലയ്ക്ക് നിർത്തണമെന്ന് ആവശ്യപ്പെട്ടുകൊണ്ടും കടപ്പാക്കടയിലുള്ള കർണ്ണാടക ബാങ്കിന്റെ ശാഖയ്ക്ക് മുൻപിൽ കൊല്ലം ജില്ലാ കമ്മിറ്റിയുടെ നേതൃത്വത്തിൽ നടന്ന ധർണ്ണ ജില്ലാ പ്രസിഡന്റ്‌ എസ്. ദേവരാജൻ ഉദ്ഘാടനം ചെയ്തു.

പ്രിയമുള്ളവരെ, ഇന്ന് (24.05.2023) ചേർന്ന സംസ്ഥാന സെക്രട്ടറിയേറ്റ് യോഗം സംസ്ഥാന തലത്തിൽ സംഘടനയ്ക്ക് നിയമ സഹായവേദി (Forum for Legal Aid to Traders) രൂപീകരിച്ചു. നിയമ സഹായ വേദിയുടെ ചെയർമാനായി സംസ്ഥാന സെക്രട്ടേറിയറ്റ് അംഗം അഡ്വ. എ.ജെ റിയാസിനെയും വൈസ് ചെയർമാനായി കൊല്ലം ജില്ലാ ജന. സെക്രട്ടറി അഡ്വ.ജോജോ കെ.ഏബ്രഹാമിനെയും , സെക്രട്ടറിയായി, യൂത്ത് വിംഗ് സംസ്ഥാന സെക്രട്ടറി അഡ്വ.പീയുഷ് ചാരുംമൂട് - നെയും തിരഞ്ഞെടുത്തു.

*സംസ്ഥാന വ്യാപാരി ക്ഷേമ നിധി ബോർഡ് പുനഃസംഘടിപ്പിക്കപ്പെട്ടു - സംസ്ഥാന പ്രസിഡന്റ്‌ ശ്രീ രാജു അപ്സര സംസ്ഥാന വ്യാപാരി ക്ഷേമ നിധി ബോർഡ് വൈസ് ചെയർമാനായും ജില്ലാ പ്രസിഡന്റ് ശ്രീ. എസ്. ദേവരാജൻ ക്ഷേമനിധി ബോർഡ് അംഗമായും തിരഞ്ഞെടുത്തിരിക്കുന്നു.സംസ്ഥാന വർക്കിംഗ്‌ പ്രസിഡന്റ്‌ ശ്രീ. പി കുഞ്ഞാവു ഹാജി, സംസ്ഥാന ജന. സെക്രട്ടറി ശ്രീ. ദേവസ്യ മേച്ചേരി എന്നിവർ ആണ് ബോർഡിലെ മറ്റ് അംഗങ്ങൾ.*

കേരള വ്യാപാരി വ്യവസായി ഏകോപന സമിതി സംസ്ഥാന വ്യാപാര ഭവൻ ഉദ്ഘാടനവും ബിസിനസ് എഡ്യൂക്കേഷൻ സെന്റർ ഉദ്ഘാടനവും ബഹു. സംസ്ഥാന മുഖ്യമന്ത്രി ശ്രീ. പിണറായി വിജയൻ നിർവ്വഹിക്കുന്നു. തിരുവനന്തപുരം,തമ്പാനൂർ മാഞ്ഞാലിക്കുളം റോഡിൽ വ്യാപാര ഭവൻ അങ്കണത്തിൽ നടക്കുന്ന ഉദ്ഘാടന സമ്മേളനത്തിന് സംസ്ഥാന പ്രസിഡന്റ്‌ ശ്രീ. രാജു അപ്സര അധ്യക്ഷം വഹിക്കുന്നു. ടി. നസ്സിറുദ്ദീൻ സ്മാരക കോൺഫറൻസ് ഹാളിന്റെ ഉദ്ഘാടനവും സംസ്ഥാന തലത്തിൽ ഏകോപന സമിതി ആരംഭിക്കുന്ന വ്യാപാരി നിയമ സഹായ വേദി (Forum For Legal Aid to Traders- FLAT ) യുടെ ഉദ്ഘാടനവും ബഹു. ധനകാര്യ മന്ത്രി ശ്രീ. കെ. എൻ. ബാലഗോപാൽ നിർവ്വഹിക്കുന്നതാണ്. സി. എം. ജോർജ് സ്മാരക സെക്രട്ടറിയേറ്റ് ഹാൾ ഉദ്ഘാടനം സംസ്ഥാന വർക്കിംഗ്‌ പ്രസിഡന്റ്‌ ശ്രീ. പി. കുഞ്ഞാവു ഹാജി നിർവ്വഹിക്കുന്നു. മുഖ്യ പ്രഭാഷണം സംസ്ഥാന വൈസ് പ്രസിഡന്റ്‌ ശ്രീ പെരിങ്ങമല രാമചന്ദ്രൻ നിർവ്വഹിക്കും. സംസ്ഥാന ജന. സെക്രട്ടറി ശ്രീ ദേവസ്യ മേച്ചേരി സ്വാഗതവും, സംസ്ഥാന ട്രഷറർ ശ്രീ.എസ്. ദേവരാജൻ യോഗത്തിന് കൃതജ്ഞതയും അർപ്പിക്കും. ഏകോപന സമിതി അംഗങ്ങളുടെ സൗകര്യത്തിനായി ഇൻഫർമേഷൻ സെന്റർ, ഫെസിലിറ്റേഷൻ സെന്റർ,കോൺഫറൻസ് ഹാളുകൾ സെക്രട്ടറിയേറ്റ് ഹാൾ,താമസത്തിന് അനുയോജ്യമായ മുറികൾ എന്നിവ സംസ്ഥാന വ്യാപാര ഭവന്റെ ഭാഗമായി ക്രമീകരിച്ചിരിക്കുന്നു. പുതുതായി വ്യാപാര രംഗത്തേക്ക് കടന്നു വരുന്നവർക്കും നിലവിലുള്ള സംരംഭകർക്കും വ്യാപാര വ്യവസായ മേഖലകളെക്കുറിച്ച് പഠിക്കുന്നതിനും സംരംഭകർ നേരിടേണ്ടി വരുന്ന വെല്ലുവിളികൾ, അവർ അവശ്യം അറിഞ്ഞിരിക്കേണ്ട തൊഴിൽ സംബന്ധമായ നിയമങ്ങൾ, ആരോഗ്യകരമായ ഉപഭോക്തൃ ബന്ധം എന്നിവ ഉൾപ്പെടുത്തിയുള്ള പരിശീലന പരിപാടികൾ, തുടങ്ങിയവയാണ് ബിസിനസ് എഡ്യൂക്കേഷൻ സെന്ററിന്റെയും നിയമ സഹായ വേദിയുടെയും പ്രവർത്തനത്തിന്റെ ഭാഗമായി ഉണ്ടാവുക. ഒരു വ്യാപാരി സംഘടനയിലെ അംഗങ്ങൾക്ക് മാത്രമായുള്ള ഇത്തരം പരിശീലന കോഴ്സ് ഇന്ത്യയിൽ തന്നെ ആദ്യത്തേത് ആണ്. സംരംഭകർക്കായി വിവിധ സർക്കാർ വകുപ്പുകൾ മുന്നോട്ട് വയ്ക്കുന്ന ആനുകൂല്യങ്ങൾ, സബ്‌സിഡി വിവരങ്ങൾ, GST ഉൾപ്പെടെയുള്ള വിഷയങ്ങളിൽ സംരംഭകർക്കും ജീവനക്കാർക്കും ആവശ്യമുള്ള പരിശീലന കോഴ്സ്, വ്യാപാര മേഖലയിലെയും മറ്റ് മാനേജ്മെന്റ് വിദഗ്ദരെയും ഉൾപ്പെടുത്തിയുള്ള സംവാദങ്ങൾ എന്നിവയും ബിസിനസ് എഡ്യൂക്കേഷൻ സെന്ററിന്റെ ഭാഗമായി ഉണ്ടാകും.

കേരള വ്യാപാരി വ്യവസായി ഏകോപന സമിതി കൊല്ലം ജില്ലാ കമ്മിറ്റിയുടെ സ്നേഹ സ്പർശം പദ്ധതിക്കു തുടക്കം കുറിച്ചു.

ശ്രീ. എം. വി. ഗോവിന്ദൻ മാസ്റ്റർ നയിക്കുന്ന ജനകീയ പ്രതിരോധ ജാഥയിൽ പുനലൂരിൽ വച്ച് ചെറുകിട വ്യാപാരി സമൂഹം നേരിടുന്ന വിവിധങ്ങളായ വിഷയങ്ങൾ അവതരിപ്പിച്ചുകൊണ്ട് ജില്ലാ പ്രസിഡന്റ്‌ ശ്രീ. എസ് ദേവരാജൻ സംസാരിക്കുന്നു. ജില്ലാ കമ്മിറ്റിയുടെ നിവേദനം ചടങ്ങിൽ വച്ച് കമ്മ്യൂണിസ്റ്റ്‌ പാർട്ടി ഓഫ് ഇന്ത്യ (മാർക്സിസ്റ്റ്) ന്റെ സംസ്ഥാന സെക്രട്ടറിക്ക് ജില്ലാ പ്രസിഡന്റ്‌ കൈമാറി. ബഹു. ധനമന്ത്രി ശ്രീ. കെ എൻ ബാലഗോപാൽ സന്നിഹിതനായിരുന്നു.

Read PDF  Open.

സംരംഭക സൗഹൃദ ബഡ്ജറ്റ് സംസ്ഥാനത്തിന് ആവശ്യം. എസ്. ദേവരാജൻ

സംരംഭകർക്ക് സംരക്ഷണമേകൂ എന്ന മുദ്രാവാക്യമുയർത്തി കേരള വ്യാപാരി വ്യവസായി ഏകോപന സമിതി കൊല്ലം ജില്ലയിലെ സമര പ്രചരണ വാഹന ജാഥ ചിന്നക്കടയിൽ സമാപിച്ചു. കൊല്ലം ജില്ലയിലെ ഇരുന്നൂറിൽപരം യൂണിറ്റുകളിലെ വ്യാപാരികളും പൊതുസമൂഹവുമായി സംവദിച്ചുകൊണ്ടാണ് സമര പ്രചരണജാഥ ജില്ലയിൽ ഉടനീളം പര്യടനം നടത്തിയത്. കേന്ദ്ര ബഡ്ജറ്റിൽ വ്യാപാരികളെ പാടേ അവഗണിച്ചപ്പോൾ സംസ്ഥാനം സമസ്ത വിഭാഗം ജനങ്ങളെയും പ്രത്യേകമായി വ്യാപാരികളെയും ദോഷകരമായി ബാധിക്കും വിധത്തിലുള്ള നിർദേശങ്ങളാണ് ബഡ്ജറ്റിൽ ഉൾപ്പെടുത്തിയിട്ടുള്ളത്. സമരത്തിന്റെ സന്ദേശം ഉൾക്കൊണ്ട് ഒരു സംരംഭക സൗഹൃദ ബഡ്ജറ്റ് അവതരിപ്പിക്കുവാൻ സംസ്ഥാന സർക്കാർ തയ്യാറാകണമെന്ന് ജില്ലാ പ്രസിഡന്റ്‌ എസ് ദേവരാജൻ ആവശ്യപ്പെട്ടു

പുതു നിയോഗത്തിൽ ആശംസകൾ

*കേരള വ്യാപാരി വ്യവസായി ഏകോപന സമിതി സംസ്ഥാന ട്രഷറർ ആയി തെരഞ്ഞെടുക്കപ്പെട്ട കൊല്ലം ജില്ലാ പ്രസിഡന്റ്‌ ശ്രീ എസ് ദേവരാജന് കൊല്ലം ജില്ലയിലെ വ്യാപാരി സമൂഹത്തിന്റെ അഭിവാദ്യങ്ങൾ.*
പ്രവർത്തന മികവിനും ആദർശ ശുദ്ധിക്കും ലഭിച്ച അംഗീകാരം. കഠിനാധ്വാനത്തിനും പ്രവർത്തന മികവിനും കാലം കരുതിവച്ച കാവ്യ സമ്മാനം. സംഘടനയെയും അതിന്റെ അംഗങ്ങളെയും നെഞ്ചോട്‌ ചേർത്തുവയ്ക്കുന്ന പതിറ്റാണ്ടുകളുടെ പ്രവർത്തന പാരമ്പര്യം. ദീർഘകാലത്തെ സംഘടനാ പ്രവർത്തനം പകർന്നുനൽകിയ പക്വതയും വിശാലമായ കാഴ്ചപ്പാടുകളും. രാപകൽ ഇല്ലാതെ അർപ്പണ മനോഭാവത്തോടെ പ്രവർത്തിക്കുവാനുള്ള മാനസീക ഊർജ്ജം. അതാണ്‌ ഈ നേതാവിനെ വ്യത്യസ്തനാക്കുന്നത്. ആരവങ്ങളിൽ നിന്ന് അകന്നു നിൽക്കുമ്പോഴും കാൽവയ്പ്പുകളും തീരുമാനങ്ങളും സുദൃഡം.

ടി. നസിറുദ്ദീൻ അനുസ്മരണ ദിനം ഫെബ്രുവരി 10

കേരളത്തിലെ വ്യാപാരി സമൂഹത്തിന് മൂന്ന് പതിറ്റാണ്ടുകൾ നീണ്ട ശക്തമായ നേതൃത്വത്തിലൂടെ സുദൃഢമായ അടിത്തറ പാകുകയും കാലത്തിന് മായ്ക്കാനാവാത്തത്ര ശക്തമായ നിലപാടുകളിലൂടെ സംഘടനയെ അതിൽ ഉറപ്പിക്കുകയും ചെയ്ത മുൻ സംസ്ഥാന പ്രസിഡന്റ്‌ ശ്രീ. ടി. നസിറുദ്ദീൻ നമ്മെ വിട്ടു പിരിഞ്ഞിട്ട് ഫെബ്രുവരി 10ന് ഒരു വർഷം തികയുകയാണ്. അന്നേ ദിവസം ടി. നസിറുദ്ദീൻ അനുസ്മരണ ദിനമായി സംസ്ഥാനത്തുടനീളം വ്യാപാരി സമൂഹം ആചരിക്കുകയാണ്. ജില്ലയിൽ യൂണിറ്റുകൾ കേന്ദ്രീകരിച്ച് ഛായാ ചിത്രത്തിൽ പുഷ്പാർച്ചന, ജന പ്രതിനിധികൾ, രാഷ്ട്രീയ, സാമൂഹ്യ നേതാക്കൾ എന്നിവരെ പങ്കെടുപ്പിച്ച് അനുസ്മരണ യോഗങ്ങൾ, ജീവകാരുണ്യ പ്രവർത്തനങ്ങൾ, എന്നിവയ്ക്ക് നേതൃത്വം കൊടുക്കുവാൻ എല്ലാ യൂണിറ്റ് ഭാരവാഹികളും ശ്രദ്ധിക്കേണ്ടതാണ്. സംസ്ഥാന തലത്തിൽ കോഴിക്കോട്ടുവച്ച് സംസ്ഥാന കൗൺസിൽ യോഗവും അനുസ്മരണ സമ്മേളനവും അന്നേ ദിവസം നടക്കുന്നു. വ്യാപാരി സമൂഹത്തിനായി ജീവിതം നീക്കിവച്ച പ്രിയ നേതാവിന്റെ അനുസ്മരണ ദിനം ഉചിതമായി ആചരിക്കുക എന്നത് നമ്മുടെ കർത്തവ്യമാണ്. ഇക്കാര്യത്തിൽ എല്ലാ യൂണിറ്റ് ഭാരവാഹികളുടെയും നേതൃത്വപരമായ പ്രവർത്തനം ഉണ്ടാകണമെന്ന് അഭ്യർത്ഥിക്കുന്നു.

2022-24 കാലയളവിലേക്ക് യൂത്ത് വിംഗിന്റെ ജില്ലാ പ്രസിഡന്റായി ശ്രീ സുധീർ ചോയിസിനെയും ജില്ലാ ജനറൽ സെക്രട്ടറിയായി ശ്രീ മുഹമ്മദ് ഹുസൈനെയും ജില്ലാ ട്രഷററായി ശ്രീ രാംകുമാറിനെയും ജില്ലാ പ്രസിഡന്റ്‌ ശ്രീ. എസ്. ദേവരാജൻ പ്രഖ്യാപിച്ചു. ട്രഷറർ ശ്രീ രാംകുമാറിന്റെ കൃതജ്ഞതയോടെ യോഗം പര്യവസാനിച്ചു.

സംസ്ഥാന സർക്കാരിന്റെ വ്യാപാരി, ജനദ്രോഹ ബഡ്ജറ്റ്‌ നിർദേശങ്ങൾക്കെതിരെ വ്യാപാരികളുടെ പ്രതിഷേധ ജ്വാല

ജില്ലയിൽ വനിതാ വിംഗിന് പുതിയ നേതൃത്വം.

കേരള വ്യാപാരി വ്യവസായി ഏകോപന സമിതി കൊല്ലം ജില്ലാ വനിതാ വിംഗ് കൗൺസിൽ യോഗവും 2022-24 കാലയളവിലേക്കുള്ള ഭാരവാഹികളുടെ തിരഞ്ഞെടുപ്പും കൊല്ലം ചെറുകിട വ്യവസായ അസോസിയേഷൻ ഹാളിൽ (KSSIA) വച്ച് നടന്നു. വനിതാവിംഗ് സംസ്ഥാന വൈസ് പ്രസിഡന്റ്‌ ശ്രീമതി ആർ. ഷൈലജ ദേവി അദ്ധ്യക്ഷം വഹിച്ചു. സംസ്ഥാന വൈസ് പ്രസിഡന്റ്‌ എ. ജെ. ഷാജഹാൻ യോഗം ഉദ്ഘാടനം ചെയ്തു. വനിതാ വിംഗ് സംസ്ഥാന പ്രസിഡന്റ്‌ ശ്രീമതി സുബൈദ നാസർ, കൊല്ലം ജില്ലാ പ്രസിഡന്റ്‌ ശ്രീ എസ്. ദേവരാജൻ എന്നിവർ മുഖ്യ പ്രഭാഷണം നടത്തി. ജില്ലാ ജനറൽ സെക്രട്ടറി അഡ്വ. ജോജോ കെ.ഏബ്രഹാം, ജില്ലാ ട്രഷറർ എസ്. കബീർ, ജില്ലാ വൈസ് പ്രസിഡന്റ്‌ ബി. രാജീവ്‌, നേതാജി. ബി രാജേന്ദ്രൻ എന്നിവർ ആശംസകൾ അറിയിച്ച് സംസാരിച്ചു. 2022-24 കാലയളവിലെ വനിതാ വിംഗ് ജില്ലാ പ്രസിഡന്റായി ശ്രീമതി ശാന്ത മോഹനെയും, ജില്ലാ ജനറൽ സെക്രട്ടറിയായി ശ്രീമതി ബീന സോദരനെയും ട്രഷററായി ശ്രീമതി ആർ. ഷൈലജ ദേവിയെയും ജില്ലാ പ്രസിഡന്റ്‌ ശ്രീ എസ്. ദേവരാജൻ പ്രഖ്യാപിച്ചു. ഇത്തരമൊരു യോഗത്തിൽ പങ്കെടുക്കുവാൻ കഴിഞ്ഞതിലുള്ള സന്തോഷം അംഗങ്ങൾ പൊതു ചർച്ചയിൽ പങ്കുവച്ചു. സംസ്ഥാന പ്രസിഡന്റ്‌ ശ്രീമതി സുബൈദ നാസർ - ന്റെ നേതൃത്വത്തിലുള്ള സംസ്ഥാന കമ്മിറ്റിക്ക് എല്ലാ വിധ പിന്തുണയും ആശംസകളും പ്രതിനിധികൾ ചർച്ചയ്ക്കിടയിൽ അറിയിച്ചു. ജില്ലാ വൈസ് പ്രസിഡന്റ്‌മാർ : ജമീല ശിവരാജൻ , അനില ഷാജി , ഷാഹിദ ലിയാക്കത് , നസീമ ബീവി ജില്ലാ സെക്രട്ടറിമാർ: ബീന. വി, ഉഷ സുധീഷ്, ദിവ്യ വി. കെ, സിനി ആർ. കൂടുതൽ അംഗങ്ങളെ ചേർത്ത് ഭരണ സമിതി ഉടൻ വിപുലീകരിക്കുന്നതാണ് എന്ന് പ്രസിഡന്റ്‌ യോഗത്തിൽ അറിയിച്ചു. ജില്ലാ ജനറൽ സെക്രട്ടറി ബീന സോദരന്റെ കൃതജ്ഞതയോടെ യോഗം പര്യവസാനിച്ചു. ജില്ലാ ഭാരവാഹികളായ സർവ്വ ശ്രീ എൻ. രാജീവ് , എ. കെ ഷാജഹാൻ, എ നവാസ് പുത്തൻവീട്, എഫ് ആന്റണി പാസ്റ്റർ, എസ്. രമേശ്‌കുമാർ, ഡി. വാവാച്ചൻ, ബി. പ്രേമാനന്ദ് തുടങ്ങിയവർ സംബന്ധിച്ചു. പുതിയതായി തിരഞ്ഞെടുക്കപ്പെട്ട വനിതാ വിംഗ് ഭാരവാഹികൾക്ക് ജില്ലാ കമ്മിറ്റിയുടെ അനുമോദനങ്ങൾ. ജില്ലാ കമ്മിറ്റിയുടെ ആഹ്വാനം ഉൾക്കൊണ്ട് പ്രതിനിധികളെ പങ്കെടുപ്പിക്കുവാൻ ആവശ്യമായ പ്രവർത്തനങ്ങൾ നടത്തിയ എല്ലാ യൂണിറ്റ്, മേഖലാ ഭാരവാഹികളെയും പ്രത്യേകം അഭിനന്ദിക്കുന്നു.

കൊല്ലം ജില്ലാ യൂത്ത് വിംഗ് പുനഃസംഘടന

കേരള വ്യാപാരി വ്യവസായി ഏകോപന സമിതി യൂത്ത് വിംഗ് കൊല്ലം ജില്ലാ കൗൺസിൽ യോഗവും 2022 -24 കാലയളവിലേക്കുള്ള ഭാരവാഹികളുടെ തെരഞ്ഞെടുപ്പും കൊല്ലം ചിന്നക്കട ആശ്രാമം റോഡിലെ കെ.എസ്. എസ്. ഐ.എ ഹാളിൽ വച്ച് നടന്നു. യൂത്ത് വിംഗ് ജില്ലാ പ്രസിഡന്റ് ശ്രീ സുധീർ ചോയ്സ് ആധ്യക്ഷം വഹിച്ചു. കെ.വി. വി. ഇ. എസ്. സംസ്ഥാന വൈസ് പ്രസിഡന്റും യൂത്ത് വിംഗ് സംസ്ഥാന കോർഡിനേറ്ററുമായ ശ്രീ എ.ജെ ഷാജഹാൻ സമ്മേളനം ഉദ്ഘാടനം ചെയ്തു. വ്യാപാരി വ്യവസായി ഏകോപന സമിതി കൊല്ലം ജില്ലാ പ്രസിഡന്റ് ശ്രീ എസ്.ദേവരാജൻ മുഖ്യപ്രഭാഷണവും, ജില്ലാ ജനറൽ സെക്രട്ടറി ശ്രീ ജോജോ കെ എബ്രഹാം വിഷയാവതരണവും നടത്തി. തുടർന്ന് യൂത്ത് വിംഗ് സംസ്ഥാന പ്രസിഡന്റ് ശ്രീ ജോജിൻ ടി.ജോയ് യൂത്ത് വിംഗിന്റെ കർമ്മ പരിപാടികൾ വിശദീകരിക്കുകയും, യൂത്ത് വിംഗ് ജില്ലാ വൈസ് പ്രസിഡന്റ് ശ്രീ ഹരീഷ് പ്രവർത്തന റിപ്പോർട്ട് അവതരിപ്പിക്കുകയും ചെയ്തു.

2022-24 കാലയളവിലേക്ക് യൂത്ത് വിംഗിന്റെ ജില്ലാ പ്രസിഡന്റായി ശ്രീ സുധീർ ചോയിസിനെയും ജില്ലാ ജനറൽ സെക്രട്ടറിയായി ശ്രീ മുഹമ്മദ് ഹുസൈനെയും ജില്ലാ ട്രഷററായി ശ്രീ രാംകുമാറിനെയും ജില്ലാ പ്രസിഡന്റ്‌ ശ്രീ. എസ്. ദേവരാജൻ പ്രഖ്യാപിച്ചു. ട്രഷറർ ശ്രീ രാംകുമാറിന്റെ കൃതജ്ഞതയോടെ യോഗം പര്യവസാനിച്ചു.

ഓച്ചിറ മേഖലയുടെ നേതൃത്വത്തിൽ ജില്ലാ ഭാരവാഹികൾക്ക് സ്വീകരണം

ഓച്ചിറ മേഖലയുടെ നേതൃത്വത്തിൽ ജില്ലാ ഭാരവാഹികൾക്ക് സ്വീകരണവും ഓച്ചിറ യൂണിറ്റ് പ്രസിഡന്റ്‌ ശ്രീ എൻ. ഇ. സലാം ആറു കുടുംബങ്ങൾക്കായി 21സെന്റ് സ്ഥലം നൽകുന്നതിന്റെ രേഖ കൈമാറൽ ചടങ്ങും ഓച്ചിറയിൽ 10/11/2022ൽ നടന്നു. സംസ്ഥാന റവന്യൂ വകുപ്പ് മന്ത്രി ശ്രീ കെ. രാജൻ രേഖകൾ ഗുണഭോക്താക്കൾക്ക് കൈമാറി. ശ്രീ. സി. ആർ എം. ൽ എ. ആധ്യക്ഷം വഹിച്ചു.തുടർന്ന് ഓച്ചിറയിലെ വിവിധ യൂണിറ്റുകളുടെ നേതൃത്വത്തിൽ ജില്ലാ ഭാരവാഹികൾക്ക് സ്വീകരണം നൽകി. ഇത്തരം ഒരു മഹനീയ കർമ്മത്തിന് നേതൃത്വം നൽകിയ ശ്രീ.എൻ. ഇ സലാമിനെയും കുടുംബത്തെയും സംസ്ഥാന പ്രസിഡന്റ്‌ ശ്രീ. രാജു അപസരയുടെയും സംസ്ഥാന, ജില്ലാ കമ്മിറ്റികളുടെയും പേരിലുള്ള അനുമോദനങ്ങൾ നേർന്നുകൊണ്ട് ജില്ലാ പ്രസിഡന്റ്‌ ശ്രീ എസ് ദേവരാജൻ ചടങ്ങിൽ അനുമോദന സന്ദേശം നൽകി. ജനപ്രതിനിധികൾ, രാഷ്ട്രീയ സാമൂഹ്യ നേതാക്കൾ പങ്കെടുത്ത യോഗത്തിന് സർവ്വ ശ്രീ. ഡി വാവാച്ചൻ, ബാവിസ് വിജയൻ, പി. ഐ. ജേക്കബ്, സുറുമി ഹാരിസ് എന്നിവർ നേതൃത്വം നൽകി.

നേതൃത്വ പരിശീലന ക്യാമ്പ്

കേരള വ്യാപാരി വ്യവസായി ഏകോപനസമിതി കൊല്ലം ജില്ലയുടെ നേതൃത്വ പരിശീലന ക്യാമ്പ് നവംബർ 5,6 തീയതികളിൽ പോയറ്റ്റി സരോവർ പോർട്ടിക്കോ റിസോർട്ട് തേക്കടിയിൽ വച്ച് നടത്തപ്പെടുന്നു 05/11/2022 ശനിയാഴ്ച 3.00 മണിക്ക് പതാക ഉയർത്തലോടുകൂടി ആരംഭിക്കുന്ന ക്യാമ്പ് സംസ്ഥാന പ്രസിഡന്റ്‌ ശ്രീ.രാജു അപ്സര ഉത്ഘാടനം ചെയ്യും. കൊല്ലം ജില്ലാ പ്രസിഡന്റ്‌ ശ്രീ. എസ്. ദേവരാജൻ ആധ്യക്ഷം വഹിക്കും. ശ്രീ. സണ്ണി പൈമ്പിള്ളിൽ, ഇടുക്കി ജില്ലാ പ്രസിഡന്റ്‌, ശ്രീ.നജീബ് ഇല്ലത്തുപറമ്പിൽ ഇടുക്കി ജില്ലാ ജന. സെക്രട്ടറി എന്നിവർ ആശംസകൾ നേർന്ന് സംസാരിക്കും. തുടർന്ന് നടക്കുന്ന സായാഹ്ന ചിന്തയിൽ ഐശ്വര്യത്തിന് കുറുക്കുവഴികൾ ഇല്ല എന്ന വിഷയം അവതരിപ്പിച്ചുകൊണ്ട് പ്രശസ്ത ടി.വി അവതാരകൻ ശ്രീ. ഹരി പത്തനാപുരം ക്ലാസ്സ്‌ നയിക്കുന്നു. 06/11/2022 ഞായറാഴ്ച അന്തർദ്ദേശീയ പരീശീലകൻ ശ്രീ. വി.ഹരീഷ് കുമാർ നയിക്കുന്ന പരിശീലനക്ലാസ്സ്. വിഷയം : ഭാവിക്കൊരു കൈയ്യൊപ്പ് കൊല്ലം ജില്ലയിലെ വിവിധ യൂണിറ്റുകളിൽ നിന്നുമുള്ള വ്യാപാരികളാണ് ക്യാമ്പിൽ പങ്കെടുക്കുക. കലാവിരുന്ന്, ട്രക്കിംങ്, സൗഹൃദ മത്സരങ്ങൾ, ബോട്ടിങ് തുടങ്ങിയവയും ക്യാമ്പിന്റെ ഭാഗമായി നടക്കും.

ലഹരി മുക്ത സമൂഹ നിർമ്മിതിക്കായി കൊല്ലം പ്രസ്സ് ക്ലബ്ബും ജില്ലയിലെ വ്യാപാരി സമൂഹവും കൈകോർക്കുന്നു.

കേരളത്തിൽ വർദ്ധിച്ചു വരുന്ന ലഹരി ഉപയോഗത്തെ ചെറുക്കുന്നതിനായി കൊല്ലം പ്രസ്സ് ക്ലബ്ബും കേരള വ്യാപാരി വ്യവസായി ഏകോപന സമിതി കൊല്ലം ജില്ലാ കമ്മിറ്റിയും കൈകോർക്കുന്നു. ജില്ലയിലെ സ്കൂളുകളിലെ വിദ്യാർധികൾക്കായി ലഹരി വിരുദ്ധ പോസ്റ്റർ രചനാ മത്സരം സംഘടിപ്പിക്കുന്നു. ഒന്നാം സമ്മാനത്തിന് അർഹമാകുന്ന പോസ്റ്റർ ഈ സംരംഭത്തിന്റെ ഔദ്യോഗീക പോസ്റ്റർ ആയി ജില്ലയിലെ മുഴുവൻ വ്യാപാര സ്ഥാപനങ്ങളിലും വിദ്യാഭ്യാസ സ്ഥാപനങ്ങളുടെ പരിസരത്തും പ്രദർശിപ്പിക്കുന്നതാണ്. ക്യാഷ് പ്രൈസുകളും വിവിധ പ്രോത്‍സാഹന സമ്മാനങ്ങളും സംഘടന ക്രമീകരിക്കുന്നതാണ്. വിശദ വിവരങ്ങൾ മാധ്യമങ്ങളിലൂടെ അറിയിക്കുന്നതാണ്.

നവംബർ 15 മുതൽ 30 വരെ ജില്ലയിൽ അംഗത്വ മാസമായി ആചരിക്കുന്നു.

പലവിധ കാരണങ്ങളാൽ നമ്മുടെ ജില്ലയിലെ ഭൂരിഭാഗം യൂണിറ്റുകളിലും അംഗത്വ ലിസ്റ്റ് പൂർണമല്ല. പുതുതായി ചേർക്കേണ്ടവരെ ചേർക്കുകയും കുറവ് ചെയ്യേണ്ടവരെ കുറവ് ചെയ്യുകയും ചെയ്യേണ്ടതുണ്ട്. നിലവിലുള്ള അംഗങ്ങളുടെ വിവരങ്ങൾ കാലോചിതമായി പുതുക്കേണ്ട സാഹചര്യവും ഉണ്ട്. ഇവയെല്ലാം മുൻ നിർത്തിയാണ് ജില്ലാ അടിസ്ഥാനത്തിൽ അംഗത്വ മസാചരണം നടത്തുന്നതിന് ജില്ലാ സെക്രട്ടേറിയറ്റിൽ തീരുമാനിച്ചത്. ഇതിനായി ജില്ലാ അടിസ്ഥാനത്തിൽ തയ്യാറാക്കിയിട്ടുള്ള അംഗത്വ ഫോമുകൾ എല്ലാ യൂണിറ്റുകൾക്കും 14.11.2022 ന് മുൻപായി ലഭ്യമാക്കുന്നതാണ്. ജില്ലയിൽ നാം ആരംഭിക്കുന്ന ജീവകാരുണ്യ സുരക്ഷാ പദ്ധതികളുടെ മുന്നോടിയായിട്ട് ഈ വിവര ശേഖരണം അനിവാര്യമാണ്.

ജില്ലയിൽ വ്യാപാരി സുരക്ഷാ, കാരുണ്യ പദ്ധതികൾ ആരംഭിക്കുന്നു.

നമ്മുടെ ജില്ലയിലെ വ്യാപാരി സമൂഹം ഏറെ പ്രതീക്ഷയോടെ കാത്തിരുന്ന വ്യാപാരി സുരക്ഷാ / കാരുണ്യ പദ്ധതിയുടെ രൂപീകരണത്തിലേക്ക് ജില്ലാ കമ്മിറ്റി കടക്കുകയാണ്. യൂണിറ്റുകൾ കേന്ദ്രീകരിച്ച് ശക്തമായ ബോധവത്കരണം ഇതിന് ആവശ്യമുണ്ട്. ഇതിന്റെ മുന്നോടിയായി ജില്ലയിലെ മുഴുവൻ യൂണിറ്റുകളിലെയും പ്രസിഡന്റ്‌, ജന. സെക്രട്ടറി, ട്രഷറർ എന്നിവരുടെ യോഗം 14.11.2022 തിങ്കളാഴ്ച കൊല്ലം റെഡ്‌ഡിയാർ ഐക്യ സംഘം ഹാളിൽ വച്ച് കൂടുകയാണ്. എല്ലാ യൂണിറ്റുകളിലെയും മൂന്ന് ഭാരവാഹികളും പ്രസ്തുത യോഗത്തിൽ നിർബന്ധമായും പങ്കെടുക്കണമെന്ന് അഭ്യർത്ഥിക്കുന്നു. അംഗത്വത്തിനുള്ള അപേക്ഷാ ഫോമുകൾ അന്നേദിവസം ലഭ്യമാക്കുന്നതാണ്.

മേഖലാ കൺവെൻഷനുകളും പുനഃ സംഘടനയും.

വ്യാപാരി സുരക്ഷാ / കാരുണ്യ മേഖലാ കൺവെൻഷനുകളും മേഖലാ കമ്മിറ്റികളുടെ പുനഃ സംഘടനയും ചുവടെ നൽകിയിരിക്കുന്ന സമയ ക്രമം അനുസരിച്ച് നവംബർ 15 മുതൽ ആരംഭിക്കുന്നു. ..... ..... ..... കൂടുതൽ വിവരങ്ങൾക്ക് അതാത് മേഖല പ്രസിഡന്റ്‌ /ജന. സെക്രട്ടറി എന്നിവരെ ബന്ധപ്പെടേണ്ടതാണ്.

2022-24 അംഗത്വ സർട്ടിഫിക്കറ്റുകൾ

അംഗത്വ സർട്ടിഫിക്കറ്റുകൾ വിതരണത്തിനായി എത്തിയിട്ടുണ്ട്. മേഖലാ സമ്മേളനങ്ങളിൽ വച്ച് സർട്ടിഫിക്കറ്റുകൾ അതാത് യൂണിറ്റ് ഭാരവാഹികളെ ഏൽപ്പിക്കുന്നതാണ്. യൂണിറ്റടിസ്ഥാനത്തിൽ നടക്കുന്ന അംഗത്വ വിവര ശേഖരണത്തിന് ശേഷം കൂടുതൽ സർട്ടിഫിക്കറ്റുകൾ ആവശ്യമുള്ള പക്ഷം ആയത് ലഭ്യമാക്കുന്നതാണ്. 6.വനിതാ വിംഗ് കൺവെൻഷനും പുനഃ സംഘടനയും ജില്ലയിലെ വനിതാ വിംഗിന്റെ കൺവെൻഷനും പുനഃസംഘടനയും.... ന് കൊല്ലം റെഡ്‌ഡിയാർ ഐക്യ സംഘം ഹാളിൽ വച്ച് നടക്കുകയാണ്. ജില്ലയിലെ എല്ലാ യൂണിറ്റുകളിൽ നിന്നും അഞ്ചുപേരിൽ കുറയാതെ വനിതാ അംഗങ്ങളെ പങ്കെടുപ്പിക്കുന്നതിന് യൂണിറ്റ് ഭാരവാഹികൾ ശ്രദ്ധിക്കണമെന്ന് അറിയിക്കുന്നു. മേൽ വിഷയങ്ങളെയെല്ലാം അർഹിക്കുന്ന ജാഗ്രതയോടെ യൂണിറ്റ്, മേഖലാ ഭാരവാഹികൾ സമീപിക്കുമെന്ന് കരുതുന്നു. ഏകോപനത്തോടെയുള്ള പ്രവർത്തനം ഈ വിഷയങ്ങളിൽ ഉണ്ടാകണമെന്ന് അഭ്യർഥിക്കുന്നു.

ജില്ലാ നേതൃത്വ പരിശീലന ക്യാമ്പ് 2022

നമ്മുടെ ജില്ലയുടെ നേതൃത്വ പരിശീലന ക്യാമ്പ് ഏകോപനം - 2022 നവംബർ 5, 6 (ശനി, ഞായർ ) തീയതികളിൽ Poetree Sarovar Portico (4സ്റ്റാർ ) തേക്കടി- യിൽ വച്ച് നടത്തുവാൻ തീരുമാനിച്ച വിവരം സന്തോഷപൂർവ്വം അറിയിക്കുന്നു. സംഘടനയിൽ വിവിധ തലങ്ങളിൽ ചുമതലകൾ നിർവ്വഹിക്കുന്നവർക്ക് പരസ്പരം ആശയ വിനിമയം നടത്തുന്നതിനും, അടുത്തിടപഴകുന്നതിനും, സംഘടനാ പ്രവർത്തനത്തിലും വ്യാപാര മേഖലയിലും പുലർത്തേണ്ട ജാഗ്രതകളെക്കുറിച്ച് സ്വയം ബോധവാന്മാരാകുന്നതിനും നേതൃത്വ പരിശീലന ക്യാമ്പ് വലിയ ഒരളവുവരെ നമ്മെ സഹായിക്കും എന്നത് നമ്മുടെ അനുഭവം ആണല്ലോ. ഏകോപനം 2022 ന്റെ കൂടുതൽ വിവരങ്ങൾ ഏതാനും ദിവസങ്ങൾക്കകം അറിയിക്കുന്നതാണ്. ജില്ലയിൽ വിവിധ തലങ്ങളിൽ നേതൃത്വസ്ഥാനങ്ങൾ വഹിക്കുന്നവർ നവംബർ 5, 6 തീയതികൾ പൂർണമായും ക്യാമ്പിൽ പങ്കെടുക്കുന്നതിനായി മാറ്റി വയ്ക്കണമെന്ന് അഭ്യർത്ഥിക്കുന്നു.

കെ. വി. വി. ഇ എസ് വെബ്സൈറ്റ് ഉദ്ഘാടനം

കേരള വ്യാപാരി വ്യവസായി ഏകോപന സമിതിയുടെ വെബ്സൈറ്റ് ഉദ്ഘാടനം കെ. വി. വി. ഇ. എസ്. സംസ്ഥാന പ്രസിഡന്റ് ശ്രീ രാജു അപ്സര നിർവഹിച്ചു.

സംസ്ഥാന ഭാരവാഹികൾക്ക് ദേശിംഗനാടിന്റെ ഗംഭീര വരവേൽപ്പ്ം

കൊല്ലത്ത് നടന്ന സ്വീകരണ സമ്മേളനം നമ്മെ സംബന്ധിച്ചിടത്തോളം ഏറെ അഭിമാനകരമായ നിമിഷങ്ങൾ ആയിരുന്നു. ജില്ലയിലെ ഭൂരിഭാഗം യൂണിറ്റുകളുടെയും സാന്നിധ്യം സംസ്ഥാന ഭാരവാഹികളെ പോലും അത്ഭുതപ്പെടുത്തി. സംസ്ഥാന നേതാക്കൾക്ക് ഇതര ജില്ലകളിൽ നൽകപ്പെട്ട സ്വീകരണങ്ങളെ അപേക്ഷിച്ച് ഏറ്റവും ഗംഭീരമായ സ്വീകരണം ആയിരുന്നു കൊല്ലത്തു ലഭിച്ചത് എന്ന വിലയിരുത്തലോടെ ആണ് എല്ലാ ഭാരവാഹികളും വേദി വിട്ടത്. ഇത്‌ നമ്മെ സംബന്ധിച്ചിടത്തോളം ഏറെ അഭിമാനം നൽകുന്ന വിലയിരുത്തൽ തന്നെ ആണ്. ഏകോപനത്തോടെയുള്ള പ്രവർത്തനം കാഴ്ചവച്ച മുഴുവൻ ജില്ലാ സെക്രട്ടറിയേറ്റ് അംഗങ്ങളെയും, മേഖലാ പ്രസിഡന്റ്‌മാരെയും, യൂണിറ്റു ഭാരവാഹികളെയും അനുമോദിക്കുന്നു. പ്രത്യേകമായി കമനീയമായ വേദിയും പരിസരവും സജ്ജീകരിക്കുവാൻ നേതൃത്വം നൽകിയ വൈസ് പ്രസിഡന്റ്‌ നേതാജി ബി രാജേന്ദ്രൻ, ബി രാജീവ്‌, സെക്രട്ടറിമാരായ എ അൻസാരി, ജോൺസൺ ജോസഫ്, എ. കെ. ജോഹർ, പൂജ ഷിഹാബുദീൻ, എന്നിവരുടെ പ്രവർത്തനങ്ങളെ നന്ദി പൂർവ്വം ഓർക്കുന്നു. ഹാൾ തരപ്പെടുത്തുന്നതിനും സമ്മാനങ്ങൾ സംബന്ധിച്ച ക്രമീകരണങ്ങൾ കൃത്യമായി ചെയ്യുന്നതിനും മുൻകൈ എടുത്തത് സെക്രട്ടറി ജോൺസൻ ജോസഫ് ആണ്. നേതാജി ബി. രാജേന്ദ്രൻ, സെക്രട്ടറി എ. അൻസാരി, സെക്രട്ടറിയറ്റ് അംഗം ആർ ചന്ദ്രശേഖരൻ, തുടങ്ങിയവരാണ് സംസ്ഥാന ഭാരവാഹികളെ കൊല്ലത്തു സ്വീകരിച്ച്, പത്തനാപുരത്തു ഗാന്ധി ഭവനിൽ എത്തിക്കുന്നതിനും അവരുടെ യാത്രാക്രമീകരണങ്ങൾ ഔദാര്യത്തോടെ നിർവ്വഹിച്ചതും. സെക്രട്ടറി ഡി. വാവച്ചനും ഒപ്പം ചേർന്ന് പ്രവർത്തിച്ചു. വൈസ് പ്രസിഡന്റ്‌ എൻ രാജീവ്‌, സെക്രട്ടറിമാരായ എ അൻസാരി, എന്നിവർ സ്വീകരണ യോഗവുമായി ബന്ധപ്പെട്ട ക്രമീകരണങ്ങൾ കൃത്യതയോടെ നിർവ്വഹിച്ചു. വെബ്സൈറ്റ് രൂപീകരണം സംബന്ധിച്ച് സെക്രട്ടറിയറ്റ് അംഗം അഡ്വ. പി. ആർ. രാവികൃഷ്ണന്റെ പ്രവർത്തനങ്ങളെയും നന്ദിയോടെ ഓർക്കുന്നു. പരസ്യങ്ങൾ ക്രമീകരിച്ചു നൽകിയ എല്ലാ ജില്ലാ ഭാരവാഹികളെയും, യൂണിറ്റുകളെയും ഓർക്കുന്നു. മറ്റ് വൈസ് പ്രസിഡന്റ്‌മാർ, സെക്രട്ടറിമാർ, സെക്രട്ടേറിയറ്റ് അംഗങ്ങൾ എല്ലാവരും സ്വീകരണ പരിപാടി വിജയിപ്പിക്കുന്നതിന് തോളോട് തോൾ ചേർന്ന് ഏകോപനത്തോടെ പ്രവർത്തിച്ചു എന്നത് നന്ദി പൂർവ്വം ഓർക്കുന്നു. യൂത്ത് വിംഗ് ഭാരവാഹികൾ, വനിതാ വിംഗ് ഭാരവാഹികൾ എല്ലാവരുടെയും പ്രവർത്തനങ്ങളെയും ഓർക്കുന്നു. പരിപാടിയുടെ ലൈവ് സ്ട്രീമിങ് ജോലികൾ നിർവ്വഹിച്ച കുതിരപ്പന്തി യൂണിറ്റ് പ്രസിഡന്റും സംസ്ഥാന കൗൺസിൽ അംഗവുമായ ശ്രീ. ബാവിസ് വിജയൻ, ഫോട്ടോഗ്രാഫർ നിസ്സാം എന്നിവരെയും നന്ദിയോടെ ഓർക്കുന്നു. സ്വീകരണത്തിൽ പങ്കെടുത്ത മുഴുവൻ യൂണിറ്റുകളെയും അഭിനന്ദിക്കുന്നു. ഏകോപനത്തിന്റെ പുത്തൻ അധ്യായങ്ങൾ രചിച്ചു നമുക്ക് മുന്നേറാം. എല്ലാവർക്കും നന്ദിയും അഭിനന്ദനങ്ങളും നേരുന്നു.

സംസ്ഥാന ഭാരവാഹികൾക്ക് സ്വീകരണം

കേരള വ്യാപാരി വ്യവസായി ഏകോപന സമിതിയുടെ സംസ്ഥാന ഭാരവാഹികൾക്ക് 22 സെപ്റ്റംബർ 2022 ന് സ്വീകരണം

സ്വാതന്ത്ര്യ ദിനാഘോഷം

15 ഓഗസ്റ്റ് 2022 -ൽ കേരള വ്യാപാരി വ്യവസായി ഏകോപന സമിതി സ്വാതന്ത്ര്യ ദിനം ആചരിച്ചു

ദേശീയ വ്യാപാരി ദിനം

കേരള വ്യാപാരി വ്യവസായി ഏകോപന സമിതി കൊല്ലം,ഓഗസ്റ്റ് 09 2022 ദേശീയ വ്യാപാരി ദിനമായ ആചരിച്ചു

സെക്രട്ടേറിയറ്റ് ധർണ

പ്ലാസ്റ്റിക് നിരോധനം, നിത്യോപയോഗ സാധനങ്ങളുടെ GST വർധന, ഇടക്കാലങ്ങളിൽ GST യിൽ വരുന്ന കരി നിയമങ്ങൾ, വൈദ്യുതി ചാർജ് വർധന എന്നിവക്കെതിരെ 27 ജൂലൈ 2022 -ൽ സെക്രട്ടേറിയറ്റ് ധർണ സംഘടിപ്പിച്ചു.

കേരള വ്യാപാരി വ്യവസായി ഏകോപന സമിതി 2024-26 ലെ കൊല്ലം ജില്ലാ ഭാരവാഹികൾ.

കേരള വ്യാപാരി വ്യവസായി ഏകോപന സമിതി പ്രഥമ എക്സിക്യൂട്ടീവ് യോഗവും, ഭാരവാഹികളുടെ തിരഞ്ഞെടുപ്പും 01.07.2024 കൊല്ലം സീ പാലസ് ഹോട്ടലിൽ നടന്നു. വ്യാപാര ലൈസൻസുമായി ബന്ധപ്പെട്ട വിഷയങ്ങളും ചെറുകിട വ്യാപാരികൾ നേരിടുന്ന വിവിധ പ്രശ്നങ്ങളും ചർച്ച ചെയ്യുന്നതിന് സർക്കാരിന്റെ ബന്ധപ്പെട്ട വകുപ്പുകൾക്ക് നേതൃത്വം നൽകുന്ന മന്ത്രിമാർ തയ്യാറാകണമെന്ന് യോഗം ഉദ്ഘാടനം ചെയ്ത ജില്ലാ പ്രസിഡന്റ്‌ ശ്രീ. എസ്. ദേവരാജൻ ആവശ്യപ്പെട്ടു. ജില്ലാ ജന. സെക്രട്ടറി ജോജോ.കെ. ഏബ്രഹാം ആമുഖ പ്രഭാഷണവും ജില്ലാ ട്രഷറർ ശ്രീ. എസ് കബീർ സ്വാഗതവും പറഞ്ഞു. പുതുതായി തിരഞ്ഞെടുക്കപ്പെട്ട ഭാരവാഹികൾ ഏകോപന സമിതി മുൻ ജില്ലാ ജനറൽ സെക്രട്ടറിയും ആദ്യകാല നേതാക്കളിൽ പ്രമുഖനുമായ ശ്രീ. എം. എസ് ബാബുവിന് മുൻപിൽ സത്യപ്രതിജ്ഞ ചെയ്ത് ചുമതല യേറ്റു പുതുതായി തിരഞ്ഞെടുക്കപ്പെട്ട ജില്ലാ ഭാരവാഹികൾ: വൈസ് പ്രസിഡന്റ്‌മാർ - സർവ്വ ശ്രീ. ബി. രാജീവ്‌, നേതാജി. ബി. രാജേന്ദ്രൻ, എസ്. നൗഷറുദീൻ, എൻ. രാജീവ്‌, കെ. ജെ. മേനോൻ, എം.എം ഇസ്മയിൽ, ആർ. വിജയൻ പിള്ള, എ. കെ. ഷാജഹാൻ, സെക്രട്ടറിമാർ - സർവ്വ ശ്രീ. എ. അൻസാരി, എ. നവാസ് പുത്തൻവീട്, എഫ്. ആന്റണി പാസ്റ്റർ, എസ്. രമേഷ് കുമാർ, ഡി. വാവച്ചൻ, ബി. പ്രേമാനന്ദ്, എ. കെ. ജോഹർ, ജോൺസൺ ജോസഫ്, ജി. രാജൻകുറുപ്പ് സെക്രട്ടറിയേറ്റ് അംഗങ്ങൾ - സർവ്വ ശ്രീ. ജി. പരമേശ്വരൻ നായർ, അഡ്വ. പി. ആർ. രവികൃഷ്ണൻ.